Голманот на Ливерпул и на бразилската репрезентација, Алисон Бекер ги победи Мануел Нојер, Марк Андре Тер Штеген, Едерсон и Кепа за да го освои првиот „Јашин трофеј“ од „Франс фудбал“ за најдобар голман.

До наградата која го носи името на легендарниот советски голман Лав Јашин, Алисон стигна со освојувањето на Лигата на шампионите со Ливерпул, но и Копа Америка со Бразил.

„Вистинска чест е да се биде тука, со сите овие големи фудбалери, и секако со големите напаѓачи. Вие честопати ни го загорчувате животот. Сакам да се заблагодарам на моето семејство, на родителите, на сопругата и на Господ. Не се чувствувам среќен, туку само благословен и благодарен“, изјави Алисон.