Репрезентацијата на Англија во четвртфиналето испадна од Светското првенство во Катар по поразот од Франција со 2-1. Неколку репрезентативци оставија одличен впечаток, што само ги подгреа гласините за трансфери во најголемите и најбогатите клубови. Така различни медиуми пишуваат дека ПСЖ е многу заинтересиран за младите англиски ѕвезди, Џуд Белингем и Маркус Рашфорд.
ПСЖ, како што пишува „Ел Насионал“, се подготвени да платат 120 милиони евра, колку што бара Борусија Дортмунд за Белингем. Овој 19.годишник е еден од најбараните играчи на пазарот. Белингме најчесто се поврзува со Ливерпул и Реал Мадрид. ПСЖ може да му понуди најголема плата, но прашање е дали парите ќе бидат првата опција кога Белингем ќе решава за својата иднина.
Од друга страна, Рашфорд, по завршувањето на сезоната ќе биде слободен играч. „Мирор“, тврди дека ПСЖ подготвиле неделна плата од 850.000 фунти (1.000.000 евра). Во Париз се сигурни дека ниту еден клуб не може да му понуди толку пари на 25. годишниот напаѓач.