Откако беа елиминирани од Лигата на шампионите, на Пари Сен-Жермен им останува само домашното првенство, и очигледно таму сакаат само доминантно да ја потврдат титулата.
Во заостанатиот меч од 18. коло од Лига 1, „светците“ на гостувањето во Дижон стигнаа до фантастична 4:0 победа. Маркињос во седмата минута донесе водство за гостите, а Килијан Мбапе пред крајот на полувремето зголеми на 0:2.
Анхел ди Марија постигна одличен гол од слободен удар во 50-тата минута, пред Максим Чупо-Мотинг во судиското продолжение да ги постави конечните 4:0.
ПСЖ има 74 поени на врвот на табелата, додека второпласираниот Лил има 57 поени и тоа со натпревар повеќе.