Пари Сен-Жермен, иако клубовите обично не реагираат на шпекулациите на медиумите, реши да одговори на весникот „Ле паризиен“, кој тврдеше дека Нејмар и Јулијан Дракслер имале тепачка во соблекувалната по поразот во финалето на францускиот куп на пенали од Рен на 27 април.
Според весникот, Нејмар и Дракслер се степале кога Германецот го обвини Нејмар дека бил премногу „себичен“ на теренот, по што Нејмар му одговорил: „Кој си па ти да ми зборуваш така, ти само знаеш да ја враќаш топката назад“. Покрај тоа се тврдеше дека тренерот Томас Тухел и спортскиот директор на ПСЖ, Антеро Енрике морале да ги разделуваат.
Drôle de jeu de @le_Parisien : présenter @neymarjr, un phénomène du foot mondial, comme un joueur qui se bat avec ses coéquipiers dans le vestiaire.
Comment pouvez-vous inventer de telles choses ? Étiez-vous dans le vestiaire ?
Ney = @PSG_inside ❤?— Paris Saint-Germain (@PSG_inside) May 8, 2019
ПСЖ се јави преку Твитер.
„Чудни игри од ’Ле паризиен’: го претставуваат Нејмар, феноменот во светскиот фудбал како некој кој се тепа со колегите во соблекувалната. Како можете да измислувате вакви работи? Бевте во соблекувалната?“, напишаа од ПСЖ.
ПСЖ, инаку, е во ужасна форма на крајот на сезоната, со само една победа во последните седум мечеви, иако веќе ја потврдија француската титула.