Бразилскиот фудбалер Даниел Алвеш (39) минува низ најтешката фаза во животот. Тој обвинет за силување и е во затвор, а нова неволја го стигна денеска, откако УНАМ Пумас го тужи за четири и пол милиони евра.
Челниците на овој фудбалски клуб сметаат дека Алвеш ги прекршил правилата на договорот.
Мексиканците тврдат дека Алвеш ги прекршил правилата од договорот во кои јасно било наведено дека ќе биде казнет во случај на проблеми со законот.
Раководството на овој клуб експресно му врачија отказ на Алвеш, кога тој беше обвинет за силување.
„Поради грубо прекршување на договорот, клубот експресно бара исплата на обесштетување од пет милиони долари без никаков данок или плаќање на рати. УНАМ Пумас ги задржува сите права да и се обрати на ФИФА и преку неа да бара исплата поради прекршување на клаузулата во договорот“, пишува во мејлот што мексиканскиот клуб му го испратил на Дани Алвеш.
Дани Алвеш минатата година стана член на Пумас. Во Мексико замина откако Барселона не му понуди продолжување на соработката, а во овој тим одигра само 13 натпревари.