Адриен Рабио не ја крие желбата да го напушти Јувентус. Францускиот фудбалер на почетокот на сезоната пристигна во Торино како слободен играч од ПСЖ. Тој не успеа да се наметне кај тренерот Маурицио Сари.
Рабио е незадоволен од статусот што го има во тимот, а незадоволството го искажа со тоа што не се појавил навреме во Торино, откако Јувентус ги повика сите играчи да се вратат во Италија.
Англиските медиуми тврдат дека Рабиот започнал преговори со Њукасл и Евертон. Англичаните шпекулираат дека интерес за Рабиот покажуваат и Арсенал, односно Манчестер Јунајтед.
Рабио сезонава има одиграно 24 натпревари за Јувентус.