Репрезентативецот на Босна и Херцеговина, Раде Круниќ, експресно би можел да се врати во Италија. Круниќ, во јануарскиот преоден рок од Милан замина на позајмица во Фенербахче.
Според турските медиуми, Лацио е заинтересиран за услугите на Круниќ.
Хрватскиот стручњак Игор Тудор им препорачал да на клупските челници да го ангажираат 30-годишен играч од средниот ред, кој забележа 13 настапи за Фенербахче.
Круниќ, според договорот склучен во јануари има клаузула, според која на крајот на позајмицата ќе стане играч на тимот од Истанбул. Во тој случај Фенербахче мора да му плати на Милан 4.600.000 евра.
Доколку Круниќ се согласи да се врати во Италија, тогаш оваа сума Лацио би му ја платил на Милан.
Во текот на кариерата, пред Милан, играше за Емполи, Борац од Чачак и Доњи Срем. Фудбалерот од БиХ беше стандарден во тимот на Стефано Пиоли, во 2022 година кога Милан ја освои титулата во Серија А.