По историскиот пораз од 5:0 на Милан од локалниот ривал Аталанта, навивачите на „росонерите“ секако „паднаа во очај“, но е и новото засилување на клубот, Рафаел Леао, кој реши да ја „прослави“ вечерта со бурна забава.
20-годишниот Португалец, кој дојде на „Сан Сиро“ од Лил, на забавата во еден ноќен клуб во Милано го понел и својот пријател, кој за негова несреќа атмосферата решил да ја сподели на Инстаграм – таму фудбалерот се гледа како пуши наргиле и ужива во чаша шампањско.
Секако, италијанските медиуми „збеснаа“ откако ова видео се појави на социјалните мрежи, а дел од навивачите на Милан бараат казна за младиот фудбалер. Инаку, поразот од 5:0 од Аталанта е највисок пораз на „росонерите“ од 1998 година (кога загубија од Рома со 5:0).
#Leao in discoteca ieri sera dopo la storica sconfitta per 5-0 del #Milan contro l’#Atalanta si fa riprendere da un amico anche mentre fuma. #AtalantaMilan @MilanNewsit pic.twitter.com/ihI7CkBfcf
— Thomas Rolfi (@TRolfi) December 23, 2019