Маркус Рашфорд потпиша нов петгодишен договор со Манчестер јунајтед до 2028 година, продолжувајќи со својот клуб од детството по одличната сезона.
Претходниот договор на Рашфорд истекуваше во 2024 година, и 25-годишниот англиски репрезентативец беше поврзуван со трансфер во Пари Сен-Жермен, за сега целосно да се посвети на „ѓаволите“.
„Пристигнав во Манчестер јунајтед како седумгодишно момче со сон. Истата страст, гордост и посветеност ме носи секојпат кога ќе имам чест да го носам дресот. Веќе имав фантастични искуства во клубот, но има уште многу да се оствари и останувам посветен на ловот на трофеи во иднина. Како навивач на Јунајтед, ја знам одговорноста која ја носи овој дрес и ќе го дадам мојот максимум за да ги оствариме целите“, вели Рашфорд.
Part of the furniture.
You and your family are forever United, @MarcusRashford 🫶#MUFC pic.twitter.com/xltE49bINt
— Manchester United (@ManUtd) July 18, 2023