Реал Мадрид повторно загуби поени во трката за шпанската титула, откако на гостувањето во Севилја кај Реал Бетис одиграа само 0:0.
По 1:1 ремито во градското дерби против Атлетико и денешната 1:0 победа на Барселона над Валенсија, тимот на Карло Анчелоти сега заостанува 9 поени зад каталонскиот ривал.
На Карим Бензема му беше поништен гол поради играње со рака веќе во 12. минута, а и покрај доминацијата на теренот и над 60 отсто посед на топката, тие не успеаја да го најдат патот до голот. Во 79. минута од мечот, Реал протестираа за пенал по стартот над Бензема, но не беше досуден удар од белата точка.
Бетис со освоениот поен останува на петтото место на табелата со 41 поени, три зад Реал Сосиедад на четвртото место. Реал има 9 поени помалку од Барса, но и големи осум пред Атлетико Мадрид.