Милан и Њукасл го договориле трансферот на Сандро Тонали, објави Фабрицио Романо.
Со бонусите што ќе бидат вметнати во договорот, трансферот на 23. годишниот италијански играч за врска ќе изнесува 70 милиони евра. Милан ќе добие процент и од следната продажба.
Тонали ќе потпише договор до 2029 година со плата од седум милиони евра годишно.
Договорот ќе биде потпишан кога Тонали ќе ги мине лекарските прегледи. Тој во моментов се наоѓа во Романија, каде со У21 репрезентацијата на Италија игра на Европското првенство.
Ова е рекордна продажба за Милан и најголемото обештетување некогаш платено за италијански фудбалер. Исто така, Њукасл го израмни сопствениот рекорд за најскап трансфер. Истата сума ја даде лани за Александар Исак.