Фудбалската репрезентација на Швајцарија обезбеди пласман на Мундијалот во Русија откако во бараж двомечот за еден гол беше подобра од Северна Ирска.
Швајцарците, во четвртокот во Белфаст, победија со 1:0, со гол од сомнителен пенал кој го постигна Родригез, а во саботата реваншот во Базел, заврши без голови.
Реваншот мина во блага доминација на Швајцарците, Ирците успеаја да се одбранат, но не и да постигнат барем еден гол.
Голема шанса Ирците имаа во 91 минута, кога по ударот на Еванс, дефанзивците на Швајцарија од гол линијата ја исфрлија топката во поле.
Швајцарија е 27.репрезентација која обезбеди пласман на Светското првенство во Русија.