Поранешниот англиски репрезентативец, Џермејн Дефо е нов фудбалер на Глазгов Ренџерс откако шкотскиот клуб се договори со Бурнемаут за 18-месечна позајмица.
36-годишниот Дефо, кој дојде во Бурнемаут во 2017 година со слободен трансфер од Сандерленд, треба да остане на „Ајброкс“ до летото 2020 година, иако „црешите“ имаат две опции да го вратат во клубот во јули 2019 или јануари 2020 година.
Let’s bring that trophy home, boss… ??? pic.twitter.com/QJ59ayIDlm
— Jermain Defoe OBE (@IAmJermainDefoe) January 6, 2019
Тој е третото засилување за тимот чиј менаџер е легендата на Ливерпул, Стивен Џерард, откако Џордан Џонс и Глен Камара потпишаа договори минатата недела за трансфер во Глазгов во текот на летото.
Дефо може да дебитира во дуелот од Шкотскиот куп против Кауденбит на 18 јануари. Ренџерс се израмнети со поени со лидерот во шкотската лига Селтик и губат само на гол-разлика во обид да ја освојат првата титула по осум години.
Дефо ја почна кариерата во Чарлтон, по што играше за Вест хем, Тотенхем, Портсмут, Торонто и Сандерленд, постигнувајќи над 200 гола во кариерата.
✍️ #RangersFC are today delighted to confirm that Jermain Defoe (@IAmJermainDefoe) has joined the Club on an 18 month loan subject to international clearance: https://t.co/6et0OGyOI7 pic.twitter.com/YEYdtUhzqZ
— Rangers Football Club (@RangersFC) January 6, 2019