Легендарниот бразилски фудбалер Ривалдо рекол дека „не пијат вода“ критиките на Луи ван Гал ги упатил кон Лионел Меси и Нејмар.
Ван Гал пред неколку дена рекол дека Меси и Нејмар не се тимски играчи, а Ривалдо смета дека холанскиот тренер не сака играчи што отстапуваат од некои идеи на тренерот.
Холанѓанецот рекол дека Меси и Нејмар треба да бидат тимски играчи и како пример го посочил ветеранот од Ливерпул Џејмс Милнер.
„Меси, Нејмар и Роналдо се играчи што прават разлика на теренот во корист на своите тимови. Ниту еден тренер не разбира како тие ги прават тие работи на теренот. Но, има многу тренери што не сакаат такви играчи, бидејќи некогаш не играат според нивните замисли. Поради тоа тие тренери зборуваат дека се добри само индивидуално и дека не се корисни за тимот“, рекол Ривалдо и дополнил.
„Играв фудбал повеќе од 24 години и знам дека многу од тренерите биле просечни фудбалери или дека не играле фудбал. Денес тренерите сакаат нивните екипи да играат тимски за тие да ги соберат пофалбите, но многу е полесно кога ќе имате играч како Пеле, Кројф, Ривелино, Гаринла, Нејмар, Меси, Кристијано Роналдо, Роналдо феноменот, Роналдињо, Зидан, Ромарио, Кака, Марадона, Зико, Мбапе, Фиго, Стоичков, Хаџи…Но ниту тоа не значи дека ќе станеш шампион дури и доколку екипата игра тактички добро“.
