Шведскиот голман Робин Олсен е наследникот на Алисон Бекер на голот на Рома, објави римскиот клуб.
Рома за голманот кој бранеше на високо ниво на Светското првенство, на Копенхаген, му плати 12 милиони евра, а данскиот клуб ќе добие и 10 отсто од наредниот трансфер.
Олсен (27), во кариерата има настапувано за Малме и ПАОК. Тој е еден од најзаслужните за пласманот на Шведска во четврт-финалето на Светското првенство.
Швеѓанецот на голот на „волчицата“ ќе го замени Алисон Бекер, кој за светски рекорд од 75 милиони евра се пресели во Ливерпул.