Робин ван Перси ќе го одигра својот последен меч во кариерата во недела кога неговите Феенорд ќе ги пречекаат АДО Ден Хаг во последното коло во Ередивизие.
35-годишниот поранешен фудбалер на Арсенал и Манчестер јунајтед става крај на „прекрасната кариера“ во недела, потврди тренерот на Феенорд, Џовани ван Бронкхорст.
Откако ги помина првите пет сезони во кариерата на „Де кујп“, Ван Перси се пресели во Арсенал во 2004 и имаше 270 настапи за „топчиите“ пред да направи контроверзен трансфер во Манчестер јунајтед во 2012 и во првата сезона да ја освои Премиер лигата. Потоа тој играше за Фенербахче пред во 2017 да се врати во Феенорд.
Ван Перси е најдобар стрелец на холандската репрезентација со 50 голови во 102 настапи. Оваа сезона тој има 30 настапи за Феенорд и одлични 18 голови.
Robin van Persie speelt zondag officieel zijn laatste wedstrijd als profvoetballer.
Van Bronckhorst: ‘Hij kan zondag genieten van het moment, een prachtige afsluiting van zijn carrière’#RVPLegend #feyado pic.twitter.com/EEZBmCnP1C
— Feyenoord Rotterdam (@Feyenoord) May 10, 2019