Вечерва во Премиер лигата ќе се одигра дуелот помеѓу Лестер и Ливерпул. Менаџерот на „лисиците“ Брендан Роџерс смета дека неговиот тим е способен да го порази лидерот на табелата.
Ливерпул немаат пораз во Премиер лигата, имаат неверојатен скор од 16 победи и еден нерешен резултат во 17 одиграни натпревари. Лестер со натпревар повеќе од „црвените“ се втори со десет поени помалку.
„Сите знаеме дека таа низа еднаш ќе мора да се прекине. Зошто ние да не бидеме тимот што ќе ги запре Ливерпул. Такви се нашите планови. Ливерпул се одлични, имаат победнички менталитет но еднаш ќе мора да изгубат. Ќе се бориме до крај, за нас ова е фантастичен меч, ќе играме пртив светскиот и европскиот шампион“, рекол Роџерс.
Натпреварот на „Кинг Пауер“ стадионот ќе започне во 21 часот.