Легендата на бразилскиот фудбал, Роналдо застана во одбрана на својот сонародник Нејмар по големиот број на обвинувања дека тој е „подобар актер отколку фудбалер“. Роналдо вели дека се игнорираат сличните постапки од другите фудбалери.
Мексиканскиот селектор Хуан Карлос Осорио изјави дека Нејмар е „многу добар актер“ по 2:0 поразот во осминафиналето, а во напад на Нејмар се приклучија и поранешни фудбалери како Алан Ширер, Петер Шмајхел и Ерик Кантона.
Статистиката вели дека Нејмар поминал 14 минути на тревата во четирите натпревари досега на Мундијалот, но Роналдо вели дека судиите треба да го заштитат неговиот сонародник.
„Има многу начини да се гледа фудбалот и да се интерпретира. Јас сум против таквите оценки за Нејмар. Тој е интелигентен фудбалер и знае како да се брани, но судиите не прават доволно. Кога луѓето постојано ме удираа мене, нормално дека чувствуваш дека не е фер. Критиките се глупави. ТВ шоута и весниците само сакаат да пополнат простор“, вели Роналдо.
Но, дел од критичарите посочија дека не се работи само за Нејмар, туку на пример и за англиските фудбалери во победата над Колумбија. Џордан Хендерсон се фати за челото откако беше удрен под брадата, додека Хери Мегвајр имаше засрамувачки обид да изнуди пенал.
The same people slating the likes of Neymar and Pepe for being a pair of divas (which they are) are the same people saying Maguire didn’t dive yesterday ? He might as well have been wearing swim shorts #wordcup pic.twitter.com/0YyNgszxy8
— Fabio Ramos (@FABJL93) July 4, 2018
Менаџерот на Манчестер јунајтед, Жозе Мурињо исто така го посочи Мегвајр кој „обично е многу искрено момче“.
„Луѓето се фокусираат на Нејмар, но да беше само тој ќе бевме среќни. Секој тим има свои актери, тие кои се преправаат и сакаат да постават притисок на судијата. За мене тоа е негативна работа на ова првенство“, објасни Мурињо.
And then England’s 1m94 79kg central defender goes down in the penalty area like this when completely untouched. Funnily enough, Maguire didn’t request a VAR review of this incident. #COL #ENG #WorldCup https://t.co/0l3rK9OvRq pic.twitter.com/8VA1RXvJlS
— Duncan Castles (@DuncanCastles) July 3, 2018