Top Sport

Роналдо се обиде да изнуди пенал и да го понижи Флоренци (Видео)

Кристијано Роналдо е еден од најдобрите играчи во историјата на фудбалот, но понекогаш со однесувањето не остава таков впечаток. Португалецот е тема по социјалните медиуми по натпреварот со Рома (2:0).

Роналдо се обиде да изнуди пенал, а потоа и да го понижи капитенот на Рома, Алесандро Флоренци.

Судијата Давиде Маса и неговите помошници останаа неми на смешниот обид на Португалецот да изнуди пенал по еден дуел со Александар Коларов.

https://twitter.com/MichaeIEmilio/status/1127652677817708549

Кристијано подоцна во натпреварот влезе во вербална расправија со Флоренци, а со гестикулацијата му покажа дека е многу низок и дека има „долг јазик“. Флоренци е висок 173 сантиметри.

„Да го оставиме она што се случи на теренот. Ние два пати ја исфрлавме топката, а тој продолжи да игра. Тој е освојувач на Златната топка и си замислува дека може да прави што сака“, рекол Флоренци.

Инаку, Флоренци го постигна првиот гол за Рома во 79 минута, а во самиот финиш Џеко го постави конечниот резултат.

Scroll to Top