Европската фудбалска унија (УЕФА) му изрече 24-месечна суспензија на фудбалскиот клуб Рубин од Казањ. Мониторингот на УЕФА утврдил дека клубот ги прекршил правилата на финансискиот фер-плеј.
УЕФА објави дека Рубин нема да може да настапи во Лигата на шампионите или Лига Европа доколку обезбеди пласман во оваа или во наредната сезона.
Од европската куќа на фудбалот не наведа кои правила ги прекршил рускиот клуб.
BREAKING: Rubin Kazan have been banned from appearing in European competition should they qualify in the next two seasons over FFP violations incurred in 2014.
They are currently 5th in the RPL. pic.twitter.com/V9utZYyQds
— Russian Football News (@RusFootballNews) October 18, 2018
Рубин во тековниот шампионат на Русија се наоѓа на петтото место, а од второто место кое обезбедува директен пласман во Лигата на шампионите е оддалечен само два бода.
Клубот од Казањ, во мај 2014 година, откако беше санкциониран поради финансискиот фер-плеј, постигна договор со УЕФА и тогаш плати шест милиони евра.