Русија поставува суперкомпјутер кој би требало да ги подобри временските прогнози пред натпреварите од Светското првенство ова лето.
Со помош на Светската банка, Русија подолго време работи на подобрување на метеоролошките квалитети со користење на стандарди на западните земји. Потребата за точна временска прогноза ќе биде клучна за првенството кое ќе трае еден месец во 11 града од Калининград до Екатеринбург (2.500 километри) до Сочи на брегот на Црното Море.
Роман Вилфанд, шефот на рускиот центар за метеорологија „Хидрометцентар“, изјави дека новиот суперкомпјутер ќе биде оперативен во март, три месеци пред стартот на Мундијалот.
„Секако, главната подготовка е пред Мундијалот. Во моментов преговараме за пренос на податоци до организациониот комитет. Се надевам дека набргу ќе почнеме подетално да добиваме слика за временските услови над Русија“, изјави Вилфанд, кој не сакаше да ја открие сумата која Русија ќе ја потроши на ова.