Рекордерот на Ливерпул и најдобриот фудбалер во Премиер лигата, Мохамед Салах го продолжи конфликтот со Египетската фудбалска федерација (ЕФА) поради правата за користење на неговиот лик.
Салах, кој има 43 гола оваа сезона, заедно со својат адвокат и агент, Рами Абас се обидуваат да ги надминат проблемите со ЕФА, но на само месец и пол пред Мундијалот, тие сметаат дека ликот на Салах не требаше да се најде на официјалниот авион на репрезентацијата.
Причината е во тоа што 25-годишниот Салах има договор со телеком-гигантот „Водафон“, но федерацијата има официјален спонзор во ривалите „ВИ“.
بكل أسف طريقة التعامل فيها إهانة كبيرة جدًا.. كنت أتمنى التعامل يكون أرقى من كدا…
— Mohamed Salah (@MoSalah) April 29, 2018
„За жал, ова е голема навреда за мене. Се надевав дека проблемите ќе се решаваат на подобар начин“, напиша Салах на арапски на Твитер.
Нејасно е до каде се подготвени да одат во конфликтот, но агентот Абас изјави дека „сите опции се можни“, вклучувајќи го и бојкотот на египетската репрезентација, што би била вистинска штета, прво за сите неутрални гледачи, а потоа за самиот Салах, кој беше главниот играч при обезбедувањето на пласманот во Русија.
„Не контактираа со нас за ништо! Целосна тишина! Кој знае кој е планот? Само гледаме повеќе билборди кои не сме ги одобриле. Мислат дека вака ќе ме натераат?“, напиша Абас.
We have not even been contacted for a resolution! Nothing! Complete silence! What’s the plan?! We just see more and more billboards and ads coming out which we have never authorised! What effect do they think this is having? A good one?! Anyway, time is of the essence…
— Ramy Abbas Issa (@RamyCol) April 28, 2018