Откако жрепката за новата сезона во ЛШ сакаше Баерн Минхен и Барселона да се најдат во истата група (заедно со Бенфика и Динамо Киев) свој коментар имаше спортскиот директор на Баварците, Хасан Салихамиџиќ.
„Како фудбалер, секогаш сакав да играм против најдобрите. Барса остана без Меси, иако сите сметаа дека тоа е практично невозможно. Ова сега е една сосема поинаква екипа откако Меси веќе не е таму, но тие и без него имаат квалитет и сјајни играчи. Очекувам добар двомеч“ рече Салихамиџиќ.
„Многу сакам да патувам во Шпанија. Веќе неколкупати повторувам дека Барселона и Реал Мадрид имаат сјајни екипи и дека играчите навистина сакаат да ги носат тие дресови. Барса е навистина великан“ заклучи тој.