Алекс Санчез тврди дека вестите дека се обложил 20.000 фунти дека Жозе Мурињо ќе добие отказ се невистинити и се навреда за човекот кој му даде шанса да игра за Манчестер јунајтед.
Англиските медиуми тврдеа дека скапиот облог бил направен со аргентинскиот соиграч Маркос Рохо, и додаваа дека Чилеанецот пратил порака на „Ватсап“ во која се радувал на отказот на Мурињо: „Ви кажав! Треба само трпение. Рохо ти ми должиш 20.000 фунти“.
Санчез, кој во моментов е во Чиле и се опоравува од повредата на бутниот мускул на Твитер го демантираше ова.
„Ова е лага! Жозе ми даде шанса да играм за најдобриот тим на светот и чувствувам само благодарност кон него. Ова е навистина обединет (Јунајтед) тим. Ние сме Манчестер јунајтед. Почит! Едвај чекам да помогнам на тимот и им посакувам среќа утре“, напиша Чилеанецот.
This is FALSE!!!. José gave me the chance to play for the best team in the world and I only have gratitude for him. We are a truly United team. We are MANCHESTER UNITED. Respect. I can’t wait to help the team !. Good luck tomorrow family! pic.twitter.com/9uhXqd5iEU
— Alexis Sánchez (@Alexis_Sanchez) December 21, 2018