Тотенхем успеа да слави кај Вотфорд, во вториот натпревар од 21.коло, во Премиер лигата. Со овој триумф Тотенхем се искачија на петтото место на табелата, додека Вотфорд останаа на 17.позиција.
Антонио Конте ја продолжи успешната серија во Премиер лигата, остана непоразен и на осмиот меч откако го презеде Тотенхем. Спарс во овој период имаат шест победи, два пати одиграа нерешени.
Од друга страна продолжи кошмарот за Клаудио Раниери и Вотфорд. Ова е шести пораз по ред за Вотфорд и нема да биде изненадување доколку Раниери добие отказ.
Тотенхем се изнамачија да ги освојат трите бода во Вотфорд. Доминираа во првиот дел, кога не искористија неколку изгледни шанси. Во вториот доминираа, но само со една чиста шанса, која не ја реалзираше Сон.
Трудот за константните напади кон голот на Вотофорд, го наплатија во 96.минута, кога одличниот голман Бахман, го совлада Дејвисон Санчез.