Манчестер јунајтед се блиску до комплетирање на една од најголемите трансфер-саги во поблиската историја, откако повеќе англиски медиуми тврдат дека се договориле со Борусија Дортмунд за Џејдон Санчо за фантастична сума од 90 милиони евра и дополнителни 10 милиони евра во бонуси.
Личните услови Санчо веќе ги договори со „ѓаволите“, како и договорот на пет години со заработувачка од 350.000 фунти неделно, а „Сан“ објавува дека тој веќе им кажал на соиграчите од англиската репрезентација дека трансферот е готова работа.
Сепак,сите планови на Оле Гунар Солскјер не одат толку „лесно“, откако се верува дека Реал Мадрид ја одбиле понудата од 50 милиони фунти за францускиот дефанзивец Рафаел Варан, кој самиот сака да примора трансфер. Реал бараат 80 милиони фунти за Варан, што е малку нереално бидејќи Французинот има уште една година од договорот и се верува дека Јунајтед гледаат алтернатива во Пау Торес од Вилјареал, кој би ги чинел околу 60-тина милиони.