Менаџерот на Челси, Маурицио Сари, најави дека двајца играчи ќе го напуштат клубот во јануарскиот преоден рок.
Станува збор за Виктор Мозес и Дани Дринквотер, играчи што речиси и да не играат оваа сезона и за кои Сари нема место во својата фудбалска филозофија.
Дринквотер од почетокот на сезоната одиграч само еден натпревар и тоа во август во Лига купот, додека Нигериецот Мозес на теренот минал само 176 минути.
„Мислам дека сеитуацијата со Дринквотер не е добра, бидејќи на неговата позиција имам двајца играчи со поинакви карактерситики. Уште пред два натпревари му кажав што мислам за целата ситуација во која се наоѓа. Мозес има повеќе опции за бочните позиции. Не знам дали има иднина за нив двајца во Челси. Мора да напредуваат“, рекол Сари.
Тренерот на Челси исто така рекол дека најдобро за Рубен Лофтус-Чик ќе биде во јануари да замине некаде на позајмица.