Тренерот на Челси, Маурицио Сари, во петокот потврдил дека напаѓачот Оливие Жиру ќе остане во клубот и наредната сезона.
Жиру не крие дека не е задоволен од улогата што ја има во Челси, меѓутоа во клубот решиле да ја искористат опцијата автоматски да му го продолжат договорот за уште една сезона.
Светскиот првак со Франција е незадоволен бидејќи најчесто шанса да биде во тимот добива во натпреварите во Лига Европа.
„Клубот има опција да го продолжи неговиот договор на уште една година. Разговарав со челниците и се договоривме да ја искористиме таа можност“, рекол Сари за „Скај Спорт“.
Жиру оваа сезона има постигнато 12 гола во сите натпреварувања, само два пати бил стрелец во Премиер лигата, а со десет гола е најдобар стрелец во Лига Европа, каде Челси во полу-финалето ќе игра против Ајнтрахт Франкфурт.