Фудбалерите на Челси, вечерва, во малото лондонско дерби, ќе го пречекаат Вест Хем. Со евентуална победа „сините“ ќе се искачат на третата позиција на табелата, односно ќе ги прескокнат Арсенал и Тотенхем.
Тимот на менаџерот Маурисио Сари се наоѓа под голем притисок бидејќи веќе за три дена ги очекува гостувањето во Прага, кај Славија, во четврт-финалето во Лига Европа.
„Не ја разбирам одлуката на Премиер лигата, бидејќи не ставија да играме во понеделник, потоа патуваме за Прага како англиски претставник. Тоа е чудно. Мислам дека повеќе би требало да направат за англиските тимови што учествуваат во европските купови. Во Серија А ваков меч би се играл в петок“, рекол Сари.