Претседателот на Фудбалската федерација на Македонија (ФФМ), Муамед Сејдини, во интервју за телевизијата „Алсат“, потврдил дека по Нова година ќе разговара со актуелниот селектор Игор Ангеловски, околу новиот договор и која е алтернативата доколку тој не ја продолжи соработката со ФФМ.
„Прво ќе разговараме со Ангеловски, а потоа ќе одиме со други варијанти. Ако не се согласиме, мислам дека цела јавност знае кој ќе биде селектор, ако не се договориме со Ангеловски“, истакна Сејдини.
Алтернативата ќе биде селекторот на У-21 репрезентацијата, Благоја Милевски. Поранешниот тренер на Вардар со оваа репрезентација во 2017 година играше на ЕП.