Фудбалскиот сојуз на Република Ирска (ФАИ) потврди дека 52. годишниот Стивен Кени повеќе нема да ја извршува функцијата селектор на националниот тим.
Ирците, квалификациите за ЕП ги завршија на четвртото место во групата Б зад Франција, Холандија и Грција.
Во осум натпревари доживеаја дури шест порази со само две победи и тоа против последнопласираниот Гибралтар.
Покрај Република Ирска, без селектор остана и Азербејџан. Италијанецот Џани Де Бјази (67) повеќе не е селекторт. Де Бјазеи оваа репрезентација ја предводеше во изминативе три години.
Азербејџан беше четврти во група Ф зад Белгија, Австрија и Шведска.