Селекторот на женската фудбалска репрезентација на Канада, Беверли Пристман е суспендирана од Олимписките игри.
Првиот скандал за време на 33. Олимписки игри го режираа нејзините асистенти, кои беа фатени како со дрин го снимаат тренингот на селекцијата на Нов Зеланд.
Тоа се случи во понеделникот, три дена пред првото коло од групата А.
Канаѓанките на крајот победија со резултат 2:1, но без тренер на клупата.
Канадската федерација претходно објави дека презела акција поради недозволените активности на луѓето од националниот тим.
Покрај Пристман, дома е испратена и помошничката Јасмин Мандер, како и Џозеф Ломбарди, „неакредитиран аналитичар“.
Позицијата на Пристман ќе ја преземе Енди Спенс, кој ќе ја предводи Канада на неделниот натпревар против Франција.
Беверли Пристман му се извини на Нов Зеланд, со напомена дека она што се случи не ги претставува вредностите за кои се залага нејзиниот тим.