Сер Алекс Фергусон имал интерес да го донесе во Манчестер јунајтед Винсен Компани, четири години пред Белгиецот да потпише за градските ривали, Манчестер сити.
На еден документ од состанок на бордот на Манчестер јунајтед во 2004 година, се дава детална анализа на тогашните фудбалери на „ѓаволите“, но и јасно покажува дека Компани, тогаш фудбалер на Андерлехт е меѓу „целите за трансфер“.
Секако, тоа не се случи и Компани помина 11 сезони кај Манчестер сити, пред да замине од клубот на крајот на сезоната за да се врати во Андерлехт, каде што ќе биде менаџер и тренер.
Шкотланѓанецот Фергусон во својата автобиографија исто така зборува дека бил да го гледа Компани на меч од Лигата на шампионите, но дека тогаш му „фатил око“ Лајам Милер.
„Отидов на Селтик-Андерлехт во Глазгов во ноември 2003 за да го гледам Винсен Компани. Но, вниманието ми го зеде, малиот играч од среден ред на Селтик, Лајам Милер. Кога си заминав од ’Паркхед’ решив да го донесам во Манчестер јунајтед“, пишува Фергусон.
Interesting “discussion document” from 2004 MUFC board meeting in Fergie’s book. Lists Kompany as a potential target pic.twitter.com/JQ5ismRpyw
— Paul Hirst (@hirstclass) September 22, 2015