Голманот на Јувентус, Војчех Шчесни мораше да ја напушти играта во 42. минута поради болки во градите. За среќа, по натпреварот откри дека е добро.
На прв поглед не изгледаше дека ништо е сериозно, но во еден момент полскиот голман побара измена. Тој се пожали на болка во градите, поради што беше принуден да ја напушти играта предвреме и да и отстапи место на Матија Перин.
„Бев исплашен како никогаш досега. Ова сè уште не ми се случило. Воопшто не можев да земам здив и тоа ме загрижи. Сега сум добро, малку грогиран. Ги направивме сите тестови и се чини дека е добро“, изјави Шценни.
Сепак, тој дури и се пошегува за оваа ситуација пофалувајќи го Матија Перин кој имаше одлична одбрана во четвртата минута од судиското надополнување.
„Точно е дека видов во каква форма е Матија и дека се жалев дека сум уморен знаејќи каква одбрана ќе има во 94. минута. За негова заслуга покажа дека е тип со големо срце, направен од чисто злато“, заклучи Шчесни.