Шкотска стигна до 2:0 победа на гости кај аутсајдерот Молдавија, за да го обезбеди второто место во групата Ф во квалификациите за СП во Катар 2022 и пласман во баражот, зголемувајќи ги надежите за прв пласман на Мундијалот од 1998 година.
Со победата Шкотска стигна до 20 поени, зад недостижната Данска, но 7 поени пред Израел и 10 пред Австрија, нивните главни конкуренти за второто место.
Дефанзивецот на Ренџерс, Нејтан Патерсон во 38. минута ги донесе Шкотите во водство, за потоа да му асистира на Че Адамс во 65. минута за сигурна победа, нивна шеста во квалификацискиот циклус во кој имаат само еден пораз. Во последното коло тие ја пречекуваат Данска.
Standings provided by SofaScore LiveScore