Италијанскиот напаѓач Џанлука Скамака ги скинал вкрстените лигаменти на коленото, пренесуваат локалните медиуми.
Скамака блесна минатата сезона и беше еден од клучните играчи за историската сезона на Аталанта која го освои трофејот во Лига Европа и се пласира во Лигата на шампионите.
Се очекува тој да отсуствува од терените меѓу шест и седум месеци, а би можел да се врати на почетокот на пролетта и евентуално да биде подготвен за крајот на сезоната.
Повредата ја заработи на подготвителен натпревар, само десет дена пред натпреварот од Суперкупот на Европа против Реал Мадрид.
Се претпоставува дека Аталанта сега ќе излезе на пазарот и ќе се обиде да ангажира играч со сличен профил.