Тотенхем потврдија дека го отпуштиле нивниот најуспешен тренер во историјата, Маурисио Почетино во шокантна вест по слабиот старт на сезоната.
47-годишниот Аргентинец дојде на чело на лондонскиот клуб во 2014 година и под него тимот се крена во Премиер лигата и стана редовен учесник во Лигата на шампионите, каде што минатата сезона загубија во финалето од Ливерпул.
Меѓутоа, новата сезона беше тешка за клубот со ограничени трансфери поради изградбата на новиот стадион и клубот во моментов е само 14. во Премиер лигата.
„Клубот потврдува дека Маурисио Почетино и неговитот тренерски тим, Хесус Перез, Мигуел Д’Агостино и Антони Хименез се ослободени од своите должности“, се вели во соопштението на клубот.
Почетино во последно време не го криеше разочарувањето од недостатокот на средства за трансфери, а постоеја и шпекулации дека е во конфликт со претседателот на клубот, Даниел Леви.
„Со жалење ја правиме оваа одлука, но таа не направена бргу, ниту без долго размислување. За жал, домашните резултати на крајот на минатата сезона и на почетокот на новата беа екстремно разочарувачки. Маурисио секогаш ќе биде дел од нашата историја и јас имам лично големо почитување на начинот на кој тој работеше во тешки периоди за нас. Тие секогаш ќе бидат добредојдени тука“, изјави Леви.
Club statement
— Tottenham Hotspur (@SpursOfficial) November 19, 2019