Селекторот на Шпанија, Луис де ла Фуенте, го објави списокот на играчи за Светското првенство. На спиското нема ниту еден играч на Реал Мадрид.
Селекторот ги вклучи повредените напаѓачи Ламин Јамал и Нико Вилијамс во тимот, бидејќи очекува тие да се рехабилитраат до почетокот на Светското првенство, кое ќе се одржи од 11 јуни до 19 јули во САД, Канада и Мексико.
За прв пат Шпанија на големо натпреварување оди без играчи на Реал. Дефанзивецот Дин Хаусен беше во конкуренција, но не го мина последниот филтер.
Микел Мерино, кој играше само еднаш за Арсенал откако го повреди стапалото во јануари, е повикан, како и Фабијан Руиз од Пари Сен Жермен, кој исто така имаше проблеми со повреди.
Актуелниот европски шампион ќе игра во групата Х, а натпреварувањето започнува на 15 јуни против Зелторските острови. Во второто коло, Шпанија ќе игра на 21 јуни против Саудиска Арабија, а пет дена подоцна против Уругвај.
Шпанија ќе ги започне подготовките во сабота, ќе одигра и контролни натпревари против Ирак на 4 јуни и Перу на 9 јуни.
Откако ја освои титулата во 2010 година, Шпанија не поминала понатаму од осминафиналето на Светското првенство.
Голмани: Унај Симон, Давид Раја и Џоан Гарсија.
Одбранбени играчи: Марк Кукуреља, Алехандро Грималдо, Маркос Љоренте, Пау Кубарси, Емерик Лапорте, Педро Поро, Ерик Гарсија и Марк Пубиљ.
Среден ред: Родри, Мартин Зубименди, Педри, Дани Олмо, Микел Мерино, Фабијан Руиз и Гави.
Напаѓачи: Ламин Јамал, Феран Торес, Јереми Пино, Микел Ојарзабал, Виктор Муњоз, Алекс Баена, Борха Иглесијас и Нико Вилијамс.
🚨✅️BREAKING: Some of the key players left out of Spain squad for the World Cup, as Lamine Yamal got a call and no Real Madrid player❌ 🇪🇸
❌️Dean Huijsen
❌ Dani Carvajal
❌ Gerrard Martin
❌ Eric Garcia
❌ Alvaro Morata
❌ Alvaro Carreras
❌ Fran Garcia… see here pic.twitter.com/uNkvBkg87Y— United Insider (@Utdnsider) May 25, 2026
foto/ EPA