На шефовите на Штутгарт по седмиот пораз во осум натпревари им беше доста и решија да го отпуштат тренерот Ханес Волф.
36-годишниот Волф успеа да обезбеди пласман во Бундеслигата во првата сезона на чело на Штутгарт во септември 2016 година, но оваа сезона тимот е на 15. место во Бундеслигата откако во саботата со 2:0 загуби од Шалке.
„Дојдовме до заклучок дека има преголема опасност дека нема да можеме да направиме пресврт со сегашната структура во тимот“, изјави спортскиот директор на клубот, Михаел Решке.
Штутгарт последната титула ја освоија во 2007 година.