Омар Харбин стана првиот фудбалер од Сирија кој бил крунисан за најдобар азиски фудбалер, откако напаѓачот на Ал Хилал ја доби најпрестижната награда на Азиската фудбалска конфедерација (АФЦ).
23-годишниот Харбин го совлада минатогодишниот победник Омар Абдулрахман (ОАЕ) и Ву Леи (Кина), кој втора година по ред е кандидиран.
Харбин имаше импресивна сезона во која постигна 10 гола во Азиската ЛШ за да биде најдобар стрелец, а исто така играше главна улога во фантастичните квалификации на Сирија, во кои тие беа на два чекори од пласман на Мундијалот, губејќи од Австралија во азискиот бараж.
„Ќе играме и ќе се бориме да донесеме радост за луѓето, тоа е главната цел. Сакам да им порачам на сите Сиријци дека ќе им донесеме среќа и радост на Азискиот куп следната година“, изјави Харбин.
Наградата е мала утеха за Ал Хилал, откако тимот загуби во финалето од ЛШ од јапонскиот Урава ред дајмондс минатиот викенд.
Австралијката Саманта Кер е добитник на женската награда, победувајќи ги Јапонката Саки Кумагаи и Севернокорејката Сунг Хјанг-сим.
Ѕвездата на Тотенхем, Сон Хеунг-мин беше прогласен за меѓународен играч на годината, вторпат во последните три години. Тренерот на Урава, Такафуми Хори е најдобар тренер во Азија, додека селекторот на националниот женски тим на Јапонија, Такакура Асако беше прогласена за најдобра во женска конкуренција.
From #ACL2017 to #WCQ, ?? Omar Khribin has had an outstanding 2017.
Relive the best moments from the 2017 AFC Player of the Year’s phenomenal year! ? #AFCAwards2017 pic.twitter.com/wQBhJiWJeI
— FOX Sports Asia (@FOXSportsAsia) November 29, 2017