Манчестер сити се мачеше едно полувреме на „Сент Мерис“, но на крајот стигна до убедлива 4:1 победа над Саутемптон и пласман во полуфиналето на ФА купот, каде се приклучуваат на Челси и Кристал палас.
Рахим Стерлинг го искористи реткиот старт за тимот на Пеп Гвардиола со гол во 12. минута за рано водство, но Ајмерик Лапорт си даде автогол во финишот на полувремето за израмнување. Второто полувреме, сепак, помина во знакот на „граѓаните“ – Кевин де Брујне во 61. минута го врати водството со гол од пенал, Фил Фоден во 75. минута зголеми на 1:3, за Ријад Марез три минути подоцна да ги постави конечните 1:4.
Во последното четврт-финале на ФА купот, Нотингем форест ги пречекуваат Ливерпул.