Славија Прага го направи најголемото изненадување во првите мечеви од 1/16 финалето на Конференциската Лига Европа, откако успеа да стигне до 3:2 победа на жешкото гостување кај Фенербахче во Истанбул.
Ибрахим Траоре ги донесе гостите во водство во финишот на првото полувреме, но откако Димитриос Пелкас израмни во 58. минута, чешкиот клуб одговори со два гола за две минути – прво преку Оскар Дорли во 62. минута, а потоа преку Ондреј Лингр во 64. минута. Фенер до крајот на мечот успеа да намали преку Ферди Кадиоглу.
Во другите мечеви, дански Митјиланд направи 1:0 предност против грчкиот ПАОК во првиот меч, а со иста предност ќе патува и ПСВ Ајндховен кај Макаби Тел Авив.
КОНФЕРЕНЦИСКА ЛИГА ЕВРОПА, 1/16 ФИНАЛЕ, 1.МЕЧ
Фенербахче – Славија Прага 2:3
Митјиланд – ПАОК 1:0
ПСВ Ајндховен – Макаби Тел Авив 1:0
Рапид Виена – Витесе 2:1
Селтик – Бодо/Глимт 21.00 ч.
Лестер – Рандерс 21.00 ч.
Марсеј – Карабаг 21.00 ч.
Спарта Прага – Партизан 21.00 ч.