Top Sport

Facebook Twitter

„Слоновите“ го декласираа шампионот Алжир, кој си оди дома со 1 гол и 1 поен

Фудбал Makfax / 20.01.2022

Брегот на Слоновата Коска стигна до 4:1 победа над Алжир во третиот и последен меч од групата Е на Африканскиот куп на нации, елиминирајќи го актуелниот шампион со само еден постигнат гол и со само еден освоен поен. На БСК во втората рунда ќе се приклучи и Екваторска Гвинеја, која со 1:0 ја совлада Сиера Леоне во вториот меч.

Ѕвездата на Милан, Френк Кеси ги донесе „Слоновите“ во водство во 22. минута од мечот, пред фудбалерот на ПСВ Ајндховен, Ибрахим Сангаре во 39. минута да зголеми на 2:0. Наместо реакција во второто полувреме, фудбалерот на Арсенал, Никола Пепе во 54. минута постигна гол за 3:0. Ријад Марез имаше шанса да ги врати Алжирците во натпреварот во 60. минута кога беше досуден пенал, но неговиот обид беше одбранет, пред Софијан Бендебка во 73. минута, конечно, да го постигне првиот гол за шампионот на турнирот. Себастиен Але во 93. минута со убав гол со глава ја зголеми мизеријата на шампионот

За Екваторска Гвинеја, пак, беше доволен убавиот гол на Пабло Ганет во 38. минута за 1:0 победа над Сиера Леоне и сигурно второ место во групата.

РЕЗУЛТАТИ, ГРУПА Д, 3.КОЛО

Брег на Слонова Коска – Алжир 4:1

Сиера Леоне – Екваторска Гвинеја 0:1

Standings provided by SofaScore LiveScore

 

Scroll to Top