Поранешниот холандски фудбалски ас, Весли Снајдер неодамна изјави дека можел да го стигне нивото на Кристијано Роналдо и Лионел Меси, но дека не го сакал тоа, а сега во новата автобиографија открива дека времето кога бил фудбалер на Реал Мадрид го потрошил на погрешни работи.
Автобиографијата ќе се објави в петок во Холандија.
„Бев млад и сакав да бидам успешен и да бидам во центарот на вниманието. Но, во Мадрид ми се случија лоши работи. Не беа дроги, туку алкохол. Се навикнав да живеам како ѕвезда. Во Реал Мадрид те обожаваат и прекрасно е да излезеш со илјадници евра во тебе и да честиш. Ништо нем и недостасуваше. Не сфатив дека шишето вотка ми стана најдобар пријател. Утрото ќе станев и ќе одев на тренинг. Но, се лажев. Потонав физички, трчав помалку, се криев од тренерот. Мислев никој нема да забележи“, вели Снајдер.