Top Sport

Солскјер го очекува Погба подготвен на стартот на сезоната

Менаџерот на Манчестер јунајтед, Оле Гунар Солскјер потврди дека Пол Погба ќе го пропушти пријателскиот меч со Астон вила во сабота, но е сигурен дека тој ќе се врати во првиот меч од Премиер лигата со Кристал палас следната недела.

Погба беше позитивен на КОВИД-19 додека беше со француската репрезентација, но сега ја заврши изолацијата и ќе почне со тренинзите со тимот.

„Пол имаше неколку тренинзи, но пропушти неколку поради корона вирусот. Но, тој бргу се враќа во форма и се надевам дека следниот викенд ќе биде подготвен, иако не сум 100 отсто сигурен“, вели Солскјер.

Французинот имаше фрустрирачка 2019/20, во која имаше само 22 настапи за Јунајтед поради повреди на скочниот зглоб. Во Премиер лигата, тој имаше 16 меча и само еден гол, а две од четирите асистенции имаше во првиот меч од сезоната.

 

Scroll to Top