Легендарниот поранешен дефанзивец на Манчестер јунајтед, Јап Стам го предупреди неговиот сонародник, тренерот на Ајакс, Ерик Тен Хаг дека ако заврши на „Олд Трафорд“ го очекува огромен притисок и дека очекувањата ќе бидат да се освои лигата.
Стам, кој освои три титули од Премиерлигата, еден ФА куп и една титула од ЛШ под Сер Алекс Фергусон, исто така вели дека постои „различен свет“ ако се споредат англискиот и холандскиот фудбал. Се верува дека Тен Хаг ќе биде потврден како нов постојан менаџер на Јунајтед веќе следната недела.
„Притисокот во Јунајтед е многу поголем. Управата на клубот може да биде трпелива, но тоа не значи дека ќе биде без притисок од надворешниот свет. Нешто ќе мора да смени во тимот, но нема да може да пристигне и да каже: ‘Овие 15 мораат да си одат’. Има големи договори во Јунајтед, така што и да има промени, треба да има успех. Фудбалот во Англиј и во Холандија е како да си на различен свет. Ајакс е најголемиот тим и има најголем буџет во Ередивизие и таму тренерот се оценува според европските натпреварувања. Во Англија имаш три меча од високо ниво секоја недела, со одлични играчи во речиси секој клуб“, вели Стам.