Вечерва започнува 24-тото издание на Африканскиот куп на нации. Домаќин на натпреварувањето е Брегот на Слоновата коска, а титулата ја брани Сенегал.
Во претходното издание, пред една година, Лавовите од Теранга, како што ја нарекуваат репрезентацијата на Сенегал, предводени од нивната најголема ѕвезда Садио Мане, во финалето ја совладаа селекцијата на Египет по подобро изведување пенали.
Египќаните се најуспешната репрезентација со седум титули во африканскиот шампионат и нема сомнеж дека Мохамед Салах (кој загуби двапати во финалето) и неговите соиграчи ќе сакаат да возвратат.
Египет и Сенегал повторно се меѓу фаворитите, заедно со домаќинот Брегот на Слоновата коска, Нигерија, Гана, Камерун, Алжир и Мароко, четвртопласираната селекција од последното Светско првенство во Катар 2022 година.
Турнирот ќе го отвори натпреварот меѓу домаќинот Брегот на Слоновата коска и Гвинеја Бисао. Натпреварот во Абиџан ќе започне во 21 часот.
Група А: Брегот на Слоновата коска, Нигерија, Екваторијална Гвинеја, Гвинеја Бисао
Група Б: Египет, Гана, Зеленортски острови, Мозамбик
Груоа Ц: Сенегал, Камерун, Гвинеја, Гамбија
Група Д: Алжир, Буркина Фасо, Ангола, Мавританија
Груоа Е: Тунис, Мали, Јужна Африка, Намибија
Груоа Ф: Мароко, ДР Конго, Замбија, Танзанија