Откако не успеа да направи ниту еден конкурентен настап за „росонерите“ по проблемите со срцето, хрватскиот лев бек Иван Стриниќ е ослободен од договорот со Милан со взаемна согласност.
Стриниќ дојде во Милан од Сампдорија во јули 2018 година по одличните настапи за Хрватска на Светското првенство во Русија и пласманот во финалето, но медицинските тестови утврдија дека тој има проблем со срцето и му советуваа да ја прекрати кариерата.
32-годишниот Стриниќ по доаѓањето на Тео Ернандез е „вишок“ во клубот од Милано и засега не е јасно дали ќе ја продолжи кариерата.
„Клубот му посакува на фудбалерот многу успеси во идната кариера“, се вели во краткото соопштение на Милан.
Official Statement: Ivan Strinić ➡ https://t.co/QMZN7ylkG0
Comunicato Ufficiale: Ivan Strinić ➡ https://t.co/ztuPJODcDt pic.twitter.com/MoQ4EPLxkz
— AC Milan (@acmilan) August 26, 2019