Атлетико Мадрид се одвои на шест поени од Барселона и осум пред Реал Мадрид на врвот на шпанската Ла лига, откако благодарение на „вечниот“ Луис Суарез стигна до 2:1 победа над Атлетик Билбао на „Ванда Метрополитано“.
„Рохибланкос“ губеа дома, откако Икер Муниаин ги донесе гостите во водство во 21. минута од првото полувреме, пред Маркос Љоренте да израмни во финишот на полувремето. Повторно, клучен за Атлетико беше Суарез, кој во 51. минута се избори за контроверзен пенал, кој потоа го реализираше, за да го постигне својот 500. гол во кариерата.
Со победата, тимот на Диего Симеоне има 62 поени по 26 кола во шпанската Ла лига, за да се одвои на шест пред Барселона (56) и осум пред Реал Мадрид (54). Билбао се на осмото место со 34 поени.
Yo acabaré entre rejas pero Gil Manzano no volverá a ver salir el sol pic.twitter.com/DrYKno1NZB
— ??????? (@capismoo_) March 10, 2021