Франческо Тоти, легендата на Рома, признал дека по завршувањето на кариерата има многу повќе време да ги следи останатите клубови и да гледа повеќе натпревари.
Кога веќе има време да гледа натпревари и тој морал да одоговри на прашањето кое е невозможно да се избегне во модрениот фудбал: „Кој е подобар Меси или Кристијано Роналдо?“.
„Повеќе го сакам фудбалот кој се играше пред неколку години, денес едноставно се е лудо. Фудбалот доживеа многу промени, а јас повеќе го сакам оној романтичен фудбал кој се играше пред десет и повеќе години. Денес фудбалот е само дел од бизнисот. Имате играчи какви што се Роналдо и Нејмар. Нејмар е пример за голема цена, па лудост е за некого да платите 250 милиони евра“, рекол Тоти, а потоа одговорил на прашањето.
„Ме прашавте за мислење кој е подобар Меси или Роналдо? Избегнувам да одговорам на вакви прашања, но сека ќе го прекршам правилото. Меси е број 1, но немојте ова да му го кажете на Роналдо“, одговорил легендарниот фудбалер кој 25 години го носеше дресот на Рома.